- Auglýsing -
Hörður Fannar Sigþórsson lét til sín taka þegar lið hans KÍF vann Kyndil, 26:20, í færeysku úrvalsdeildinni í handknattleik í dag en leikið var á heimavelli KÍF í Kollafirði. Heimamenn voru með öruggt forskot í hálfleik, 15:9, og gáfu lítt eftir í síðari hálfleik. Með sigrinum lyftist KÍF upp í þriðja sæti deildarinnar.
Hörður Fannar skoraði fjögur mörk. Hann var einnig fastur fyrir í vörninni og mátti m.a. bíta í það súra epli að vera tvisvar sinnum vísað af leikvelli í tvær mínútur í hvort skipti.
Lærisveinar Arnars Gunnarssonar í Neistanum léku ekki í dag. Þeir leika næst við STíF frá Skálum á heimavelli á miðvikudagskvöld.
Staðan í deildinni:
H71 19(11), VÍF 15(10), KÍF 13(12), Neistin 12(10), Team Klaksvik 7(11), STíF 6(11), Kyndil 4(11).
- Auglýsing -
