Iljartognun heldur Gísla Þorgeiri frá keppni

Gísli Þorgeir Kristjánsson landsliðsmaður í handknattleik og leikmaður þýska meistaraliðsins SC Magdeburg segir í viðtali við Vísir í morgun að hann hafi tognað í il og verði frá keppni næstu vikurnar. Hann gerir sér þó vonir um að geta tekið þátt í landsleikjum við Grikki í undankeppni EM 12. og 15. mars.

Fyrstu fregnir á miðvikudagskvöld, eftir að Gísli Þorgeir meiddist á upphafsmínútum viðureignar SC Magdeburg og Aalborg Håndbold, sögðu að hann hafi meiðst á hægri ökkla. Svo mun ekki vera, heldur fremur sin í ilinni.

Í viðtali við Sport Bild í gær sagðist Bennet Wiegert þjálfari SC Magdeburg taka ábyrgð á að hafa teflt Gísla Þorgeiri fram í leiknum Aalborg. Gísli Þorgeir hafi fundið fyrir eymslum í hæl dagana á undan.