Inga Dís verður ekki með Haukum næstu vikur

Handknattleikskonan Inga Dís Jóhannsdóttir leikur ekki með Haukum næstu vikur. Hún handleggsbrotnaði í viðureign Hauka og KA/Þórs á dögunum. Frá þessu segir Handkastið auk þess sem Díana Guðjónsdóttir annar þjálfari Hauka staðfestir ótíðindin.

Inga Dís, sem lék sinn fyrsta A-landsleik í apríl gegn Ísrael í undankeppni HM, verður að öllum líkindum ekkert með Haukum fyrr en keppni í Olísdeildinni hefst aftur að loknu heimsmeistaramótinu sem hefst eftir mánuð. Stefnt á að leika tvær umferðir í Olísdeildinni strax eftir HM, frá 13. – 20. desember.

Staðan í Olísdeildum og næstu leikir.