„Innkoma Einars Þorsteins var alveg ótrúleg. Hann á skilið mikið hrós. Einar hafði ekki tekið þátt í fundum fyrir leikinn við Ungverja. Hann var örugglega ekki með allt á hreinu hvað við ætluðum að gera,“ sagði Snorri Steinn Guðjónsson landsliðsþjálfari í handknattleik um frammistöðu Einars Þorsteins Ólafssonar í leiknum við Ungverja. Einar Þorsteinn stóð nánast upp í rúminu og fór beint í leikinn. Hann varð að taka við burðarhlutverki í vörninni með Elliða Snæ Viðarssyni þegar Ýmir Örn Gíslason og Elvar Örn Jónsson máttu og gátu ekki tekið meiri þátt í leiknum. Ýmir fékk rautt spjald og Elvar meiddist.
Eitthvað sagði mér..
„Það var eitthvað sem sagði mér í morgun að kalla Einar inn í hópinn. Ég átti hins vegar ekki von á að hann myndi leika burðarhlutverk í leiknum eins og raun varð á,“ sagði Snorri Steinn Guðjónsson landsliðsþjálfari spurður út í frammistöðu Einars Þorsteins Ólafssonar sem var frábær í síðari hálfleik gegn Ungverjum.
Elvar Örn meiddist – óttast það versta
EM karla 2026 – milliriðlar – úrslit, staðan, leiktímar
EM karla 2026 – úrslit, staðan og leiktímar
