ÍR-ingar hafa áhyggjur af Bernard

ÍR-ingar hafa áhyggjur af þátttöku Bernard Kristján Owusu Darkoh í næstu leikjum liðsins í Olísdeildinni eftir að hann meiddist á vinstri öxl í viðureign Þórs og ÍR á föstudagskvöld. Svo segir í frétt Handkastsins í morgun.

Þórður Tandri Ágústsson leikmaður Þórs var of seinn að bregðast við áhlaupi Bernards og greip þar með í vinstri handlegg hans.

Gunnar Óli Gústafsson og Bjarki Bóasson dómarar sýndu Þórði Tandra hiklaust rauða spjaldið. Bernard kom því miður ekkert meira við sögu í leiknum og gæti verið frá um tíma.

Atvikið átti sér stað eftir um fimmtán mínútna leik.

Olísdeildir – næstu leikir.

Nýliðarnir byrjuðu á sigri – ÍR-ingar heillum horfnir