Guðmundur Bragi Ástþórsson og Ísak Gústafsson verða fulltrúar Íslands í undanúrslitahelgi dönsku bikarkeppninnar í handknattleik 14. og 15. febrúar þegar lið þeirra TMS Ringsted leikur til undanúrslita. Það er ljóst eftir að TMS Ringsted vann Bjerringbro/Silkeborg, 31:30, á heimavelli í hnífjöfnum undanúrslitaleik í kvöld.
Skanderborg, sem Kristján Örn Kristjánsson, Donni, leikur með, féll úr leik í kvöld með tapi fyrir GOG, 31:28. Donni skoraði fjögur mörk og gaf tvær stoðsendingar. Ungstirnið Hjalte Lykke skoraði 10 mörk fyrir GOG og Óli Mittún sjö.
Ísak Gústafsson skoraði þrjú mörk fyrir TMS Ringsted í sigrinum sæta í kvöld og gaf þrjár stoðsendingar. Guðmundur Bragi Ástþórsson skoraði tvisvar.
Aalborg Håndbold og SønderjyskE tryggðu sér sæti í undanúrslitum bikarkeppninnar í gærkvöld.
Dregið var í undanúrslit eftir leikina í kvöld:
Aalborg Håndbold – GOG.
Sønderjyske – TMS Ringsted.
