Ísfirðingurinn Endijs Kusners handknattleiksmaður Harðar var í dag úrskurðaður í eins leik bann á fundi aganefndar HSÍ. Kusners fékk bæði rautt og blátt spjald fyrir olbogahögg í fyrstu viðureign Harðar og Þórs í undanúrslitum Olísdeildar karla í handknattleik á Torfnesi í gærkvöld.
Kusners tekur út leikbannið á föstudaginn þegar Harðarverjar sækja Þórsara heim í Höllina á Akureyri í annarri umferð umspilsins.
Handbolti.is sagði frá atvikinu í morgun og birti um leið myndskeið.
Myndskeið: Rautt og blátt spjald fyrir olnbogaskot á Ísafirði
Þetta er í annað sinn á leiktíðinni sem Kusners fær rautt spjald í leik á milli Harðar og Þórs á leiktíðinni. Hann slapp við leikbann í fyrra skiptið.
„Dómarar meta að brotið falli undir reglu 8:6 a). Aganefnd hefur farið yfir athugasemdir sem bárust frá Herði vegna málsins Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar,“ segir í úrskurði aganefndar sem fundar daglega ef þörf er á meðan úrslitakeppnin stendur yfir.
Vinna þarf tvær viðureignir í undanúrslitum og stendur Ísafjarðarliðið betur að vígi eftir sigur á heimavelli í gær, 28:25.
Úrskurð aganendar í heild sinni er að finna hér fyrir neðan.
