- Auglýsing -
Ísland dróst í riðil með Ungverjalandi, Sviss og Svartfjallalandi í lokakeppni Evrópumóts 18 ára landsliða karla sem fram fer í Belgrad í Serbíu frá 29. júlí til 9. ágúst í sumar. Dregið var eftir hádegið í höfuðstöðvum Handknattleikssambands Evrópu í Vínarborg.
Ísland var í öðrum styrkleikaflokki af fjórum en þjóðunum var raðað niður í styrkleikaflokk með tilliti til árangurs á stórmótum, HM og EM, í yngri aldursflokkum síðustu fjögur ár að Ólympíuhátíð Evrópuæskunnar 17 ára og yngri undanskilinni. Ísland vann þá keppni í fyrra.
Svíþjóð er ríkjandi Evrópumeistarar í þessum aldursflokki.
Riðlaskiptingin:
| A-riðill: | B-riðill: |
| Svíþjóð | Þýskaland |
| Slóvenía | Serbía |
| Frakkland | Ítalía |
| N-Makedónía | Tyrkland |
| C-riðill: | D-riðill: |
| Portúgal | Ungverjaland |
| Króatía | Ísland |
| Tékkland | Sviss |
| Ísrael | Svartfjallaland |
| E-riðill: | F-riðill: |
| Danmörk | Spánn |
| Noregur | Færeyjar |
| Slóvakía | Austurríki |
| Pólland | Finnland |
- Auglýsing -
