Danska úrvalsdeildarliðið Fredericia HK, sem Guðmundur Þórður Guðmundsson þjálfar, tapaði á heimavelli í dag fyrir Mors-Thy, 35:32. Fyrir vikið færðist Mors-Thy upp í þriðja sæti deildarinnar. Fredericia HK féll niður um eitt sæti, í það fjórða. Liðin hafa jafn mörg stig, 29 hvort, þegar þrjár umferðir eru eftir.
Skanderborg AGF, með Kristján Örn Kristjánsson innanborðs, getur krækt í þriðja sætið í kvöld vinni liðið Nordsjælland á Sjálandi.
Leikmenn Mors-Thy voru með frumkvæðið í leiknum í Fredericia í dag. Forskotið var tvö mörk þegar fyrri hálfleikur var að baki, 18:16.
Einar Þorsteinn Ólafsson skoraði tvö mörk fyrir Fredericia HK. Einar kveður félagið að lokinni þriggja ára veru í sumar og flytur til Hamborgar í Þýskalandi.
Staðan í dönsku úrvalsdeildinni í karlaflokki:
