Íslendingalið Blomberg-Lippe beið lægri hlut, 31:26, gegn Borussia Dortmund í toppslag í 10. umferð þýsku 1. deildarinnar í handknattleik kvenna í Dortmund í kvöld.
Með sigrinum hrifsaði Dortmund toppsæti deildarinnar af Blomberg-Lippe, en þau eru bæði með 16 stig í efstu tveimur sætunum. Dortmund hefur leikið níu leiki en Blomberg-Lippe og Bensheim-Auerbach, sem einnig er með 16 stig í þriðja sæti, hafa leikið tíu.
Íslensku landsliðskonurnar Díana Dögg Magnúsdóttir, Andrea Jacobsen og Elín Rósa Magnúsdóttir léku allar með Blomberg-Lippe.
Díana Dögg Magnúsdóttir skoraði 2 mörk, átti tvær stoðsendingar var með tvö sköpuð færi og einn stolinn bolta.
Andrea skoraði 1 mark, gaf eina stoðsendingu, var 1 skapað færi færi og varði 2 skot í vörninni.
Elín Rósa skoraði 1 mark, gaf eina stoðsendingu var með 1 skapað færi.
Úrslit:
BV Borussia Dortmund – HSG Blomberg-Lippe 31:26 (14:15).
SV Union Halle-Neustadt – Buxtehuder SV 33:24 (15:10).
HSG Bensheim-Auerbach – Thüringer HC 29:31 (14:12).
BSV Sachsen Zwickau – Frisch Auf Göppingen 25:23 (12:7).
