Janus Daði Smárason landsliðsmaður í handknattleik og leikmaður ungversku bikarmeistaranna Pick Szeged meiddist á vinstra hné á 54. mínútu viðureignar Pick Szeged og Tatabánya í ungversku úrvalsdeildinni í síðdegis. Satt að segja þá lítur út fyrir að um mjög alvarleg meiðsli sé að ræða, hugsanlega slitið krossband.
Rann á gólfinu
Janus Daði var á leið aftur í annað hornið til þess að verjast þegar hann rann á gólfinu og á vinstri fótinn sem beyglaðist undir hann. Janus Daði greip um leið um vinstra hné áður en leikmenn þustu að ásamt starfsmanni Pick Szeged.
Danski handknattleiksmaðurinn Rasmus Boysen birti myndskeið af atvikinu á Facebook-síðu sinni.
Tatabánya vann leikinn, 34:30. Janus Daði hafði skorað fjögur mörk þegar hann meiddist.
Tapið í dag var það fyrsta hjá Pick Szeged í ungversku deildinni á leiktíðinni. Liðið er með átta stig eftir fimm leiki.
