Jason Dagur Þórisson hefur samið við handknattleiksdeild Umf. Selfoss til tveggja ára. Jason Dagur, sem er uppalinn Selfyssingur, spilar hægra horn og tók sín fyrstu skref með meistaraflokki í ár og hefur verið lykilmaður í U-liði Selfoss í 2. deild karla. Hann var valinn efnilegasti leikmaður meistaraflokks í lokahófi deildarinnar á dögunum.
Jason Dagur á ekki langt að sækja handknattleikshæfileikana en hann er sonur Þóris Ólafssonar fyrrverandi landsliðsmanns og leikmanns Vive Kielce, TuS N-Lübbecke, Selfoss og Hauka.
„Eru þetta mjög svo góðar fréttir og verður spennandi að fylgjast með ungu og efnilegu liði meistaraflokks karla í Grill 66 deildinni á komandi tímabili,“ segir orðrétt í tilkynningu handknattleiksdeildar Selfoss í kvöld.
Sjá einnig:
