Jóhann Geir Sævarsson skrifaði í gær undir nýjan tveggja ára samning við handknattleiksdeild KA og er þar með samningsbundinn félaginu út tímabilið 2025-2026.
Jóhann Geir er 25 ára gamall vinstri hornamaður sem er uppalinn hjá KA og hefur hann leikið með meistaraflokksliði félagsins undanfarin fjögur tímabil. Hann hefur nú leikið 93 leiki í deild, bikar og í Evrópukeppni og ljóst að það styttist í sögulegan 100. leik fyrir KA. Samtals hefur Jóhann skoraði 130 mörk í 93 leikjum.
Jóhann er sonur Sævars Árnasonar sem lék KA og Þór, rétt eins og sonurinn hefur reyndar gert. Sævar hefur getið sér gott orð sem dómari á síðari árum.
„Það eru afar jákvæðar fréttir að Jói sé búinn að skrifa undir nýjan samning og hlökkum við til að sjá meira til þessa öfluga kappa í gula og bláa búningnum,“ segir í tilkynningu KA í gær.
