- Auglýsing -
Stórskyttan og unglingalandsliðsmaðurinn Jökull Blöndal Björnsson hefur framlengt samningi sínum við handknattleiksdeild ÍR til næstu þriggja ára. Jökull, sem leikur í stöðu vinstri skyttu, er fæddur árið 2007 og hefur þrátt fyrir ungan aldur látið til sín taka í meistaraflokki undanfarin tvö tímabil. Hann er uppalinn ÍR-ingur og hefur verið viðloðin yngri landslið Íslands á undanförnum árum.
Hlutverk Jökuls hjá ÍR hefur vaxið á núverandi tímabili en hann hefur skorað 36 mörk í fyrstu 7 leikjum Olís-deildarinnar.
„Við ÍR-ingar erum glaðir með framlenginu Jökuls og hlökkum til með að fylgjast með honum taka næstu skref á sínum ferli í Skógarselinu,“ segir í tilkynningu handknattleiksdeildar ÍR í dag.
- Auglýsing -
