Jónsteinn Helgi Þórsson skoraði tvö síðustu mörkin í Höllinni á Akureyri í kvöld og tryggði ungmennaliði KA þar með annað stigið í viðureign við Þór í síðasta leik 5. umferðar Grill 66-deildar karla í handknattleik, 32:32.
Í annars jöfnum leik var KA með eins marks forskot að loknum fyrri hálfleik. Liðin skiptust á um að vera með yfirhöndina í síðari hálfleik þangað til Þórsarar voru tveimur mörkum yfir skömmu fyrir leikslok.
Ungmennalið KA hefur þar með sex stig eftir fimm leiki og situr í þriðja sæti deildarinnar. Þór er með fimm stig eins og Víkingur og ungmennalið Selfoss. HK og Valur U eru efst með níu stig hvort.
Tveir leikmenn Þórs fengu rautt spjald í leiknum. Arnór Þorri Þorsteinsson fékk beint rautt spjald á 29. mínútu og Aron Hólm Kristjánsson um miðjan síðari hálfleik vegna þriðju brottvísunar. Munaði mjög um þessa menn í liði Þórs. Sá fyrrnefndi hafði skorað sex mörk þegar honum var meinuð frekari þátttaka í leiknum.
Mörk Þórs: Kostadin Petrov 8, Josip Vekic 7, Arnór Þorri Þorsteinsson 6, Jón Ólafur Þorsteinsson 5, Jonn Rói Tórfinnsson 3, Aðalsteinn Ernir Bergþórsson 2, Andri Snær Jóhannsson 1.
Varin skot: Arnar Þór Fylkisson 20.
Mörk KA U.: Kristján Gunnþórsson 9, Jónsteinn Helgi Þórsson 8, Haraldur Bolli Heimisson 7, Arnór Ísak Haddsson 3, Ísak Óli Eggertsson 3, Logi Gautason 1, Jens Bragi Bergþórsson 1.
Varin skot: Bruno Bernat 11.
Staðan í Grill 66-deild karla:
| HK | 5 | 4 | 1 | 0 | 167 – 135 | 9 |
| Valur U | 5 | 4 | 1 | 0 | 148 – 131 | 9 |
| KA U | 5 | 2 | 2 | 1 | 159 – 156 | 6 |
| Víkingur | 5 | 2 | 1 | 2 | 154 – 148 | 5 |
| Þór | 5 | 2 | 1 | 2 | 143 – 144 | 5 |
| Selfoss U | 5 | 2 | 1 | 2 | 176 – 177 | 5 |
| Fram U | 5 | 2 | 0 | 3 | 149 – 156 | 4 |
| Fjölnir | 4 | 1 | 1 | 2 | 122 – 130 | 3 |
| Haukar U | 4 | 1 | 0 | 3 | 108 – 112 | 2 |
| Kórdrengir | 5 | 0 | 0 | 5 | 123 – 160 | 0 |
