KA-menn gerðu góða ferð Úlfarsárdalinn í dag og lögðu þar næsta efsta lið Olísdeildar karla, 31:30, í hörkuleik þar sem Framliðið skoraði þrjú síðustu mörkin. KA situr eftir sem áður í áttunda sæti deildarinnar. Liðið hefur nú átta stig að loknum 10 leikjum og er þremur stigum á undan Gróttu sem er næst á eftir.
Fram heldur öðru sæti Olísdeildar en er nú fimm stigum á eftir Valsmönnum sem tróna á toppnum.
Einar Rafn Eiðsson átti stórleik fyrir KA og skoraði 12 mörk. Bruno Bernat fór hamförum í marki KA þann tíma sem hann stóð vaktinu og var með 50% markvörslu.
Skarð var fyrir skildi hjá Fram að Lárus Helgi Ólafsson, markvörðurinn reyndi, var fjarri góðu gamni. Kjartan Þór Júlíusson lék afar vel og skoraði átta mörk.
Fram – KA 30:31 (14:15).
Mörk Fram: Kjartan Þór Júlíusson 8/1, Luka Vukicevic 5, Ívar Logi Styrmisson 4/1, Breki Dagsson 3, Marko Coric 2, Ólafur Brim Stefánsson 2, Reynir Þór Stefánsson 2, Kristófer Dagur Sigurðsson 2, Stefán Orri Arnalds 1, Alexander Már Egan 1.
Varin skot: Arnór Máni Daðason 9/1, 27,3% – Breki Hrafn Árnason 0.
Mörk KA: Einar Rafn Eiðsson 12/2, Einar Birgir Stefánsson 5, Gauti Gunnarsson 5, Patrekur Stefánsso 4, Dagur Gautason 2, Arnór Ísak Haddsson 2, Haraldur Bolli Heimisson 1.
Varin skot: Bruno Bernat 13/3, 50% – Nicholas Satchwell 8, 36,4%.
Tveir leikir standa yfir í Olísdeild karla þegar þetta er skrifað. Haukar og ÍBV hófu leik klukkan 17.30 á Ásvöllum og rétt aðan var flautað til leiks Gróttu og Harðar í Hertzhöllinni á Seltjarnarnes.
Veikindi eina starfsmanns handbolta.is í dag kemur niður á umfjöllun um leiki dagsins. Úrslit þeirra leikja sem standa yfir verða birt fljótlega eftir að þau liggja fyrir.
