- Auglýsing -
KA átti víst ekki í teljandi vandræðum með Þór í fyrri viðureign liðanna í KG Sendibílamótinu í handknattleik karla í KA-heimilinu í kvöld. Akureyri.net greinir frá að leikurinn hafi endað með sex marka sigri KA manna, 29:23. Þeir voru sjö mörkum yfir í hálfleik, 17:10.
Liðin leiða aftur saman kappa sína á laugardaginn kl. 14.30 en þau eru einu þátttökuliðin í karlahluta mótsins.
Engar upplýsingar er að finna í fljótu bragði um markaskorara leiksins né hvort markverðir KA og Þórs hafi verið aðsópsmiklir ellegar daufir í dálkinn.
Fjögur kvennalið leika í mótinu, KA/Þór, Grótta, Stjarnan og ÍBV, eins og handbolti.is sagði frá fyrr í vikunni.
- Auglýsing -
