KA vann Selfoss, 33:30, í lokaleika 1. umferðar Olísdeildar karla sem leikinn var í Sethöllinni á Selfossi í dag. Heimamenn voru marki yfir í hálfleik, 16:15. KA-liðið var sterkara í síaðri hálfleik og segja má að liðið hafi stjórnað ferðinni.
Sóknarleikur Selfoss var slakur í síðari hálfleik og virðist sem að liðið muni eiga erfitt uppdráttar eins reiknað hefur verið með.
Mörk Selfoss: Hannes Höskuldsson 8/1, Jason Dagur Þórisson 7, Jónas Karl Gunnlaugsson 4, Sölvi Svavarsson 4, Alvaro Mallols Fernandez 2, Tryggvi Sigurberg Traustason 2, Gunnar Kári Bragason 1, Haukur Páll Hallgrímsson 1, Valdimar Örn Ingvarsson 1.
Varin skot: Alexander Hrafnkelsson 14/1, 29,8%.
Mörk KA: Bjarni Ófeigur Valdimarsson 9/3, Jens Bragi Bergþórsson 6, Logi Gautason 5, Einar Birgir Stefánsson 3. Fleiri markaskorarar eru ekki ekki skráðir þótt KA-liðið hafi sannarlega skoraði fleiri mörk.
Varin skot: Bruno Bernat 16, 37,2%.
Tölfræði leiksins hjá HBStatz.
