Fyrsta umferð úrslitakeppni Olísdeildar kvenna í handknattleik hefst mánudaginn 17. apríl. Eins og undanfarin ár þá sitja tvö efstu lið deildarkeppninnar yfir í fyrstu umferð. Að þessu sinni safna leikmenn ÍBV og Vals kröftum á meðan leikmenn Stjörnunnar, Fram, Hauka og KA/Þórs keppast um sæti í undanúrslitum.
Nærri þriggja vikna hlé á keppni er vegna tveggja leikja íslenska landsliðsins við Ungverja í umspili um HM-sæti sem fram fara 8. og 12. apríl. Sá fyrri hér á Ásvöllum en hinn síðari í Erd í Ungverjalandi. Sigurliðið tryggir sér þátttökurétt á HM undir árslok.
Keppni í Olísdeild kvenna lauk á laugardaginn. Haukar færðust upp í fimmta sæti úr því sjötta með úrslitum síðustu leikja. KA/Þór færðist niður í sjötta sætið.
Lokastaðan í Olísdeild kvenna.
Leikjadagskrá 1. umferðar úrslitakeppni Olísdeildar kvenna: Mánudagur 17. apríl: Stjarnan - KA/Þór Mánudagur 17. apríl: Fram - Haukar. Önnur umferð verður leikin fimmtudaginn 20. apríl og oddaleikir sunnudaginn 23. apríl, gerist þeirra þörf.
Önnur umferð:
Laugardagur 29. apríl:
ÍBV – Fram eða Haukar.
Valur – Stjarnan eða KA/Þór.
- Næstu leikir: 1., 3., 6., 9. maí.
- Vinna þarf þrjá leiki í undanúrslitum til þess að tryggja sér sæti í úrslitum Íslandsmeistartitilinn.
Fyrsti leikur 12. maí
Að óbreyttu verður fyrsti úrslitaleikurinn um Íslandsmeistaratitilinn föstudaginn 12. maí. Komi til fimm leikja er reiknað með oddaleik fimmtudaginn 24. maí.
