Krótaía og Kína mætast í úrslitaleik um forsetabikarinn á heimsmeistaramóti kvenna í handknattleik í’s-Hertogenbosch í Hollandi á miðvikudaginn. Íslenska landsliðið vann forsetabikarinn á HM fyrir tveimur árum, sælla minninga.
Króatar unnu allar viðureignir sínar, þrjár, í riðli eitt. Síðast lagði króatíska landsliðið Paragvæ, 30:17. Fyrr á mótinu unnu Króatar liðskonur Íran, 38:9, og síðan Úrúgvæ, 34:25.
Kínverska landsliðið vann einnig viðureignir sínar í riðli tvö. Síðast í dag lagði kínverska liðið það kúbanska, 34:30. Einnig unnu Kínverjar landslið Kasakstan, 32:30, og Egypta, 35:32.
Í leikjum um sæti 25 til 32 á miðvikudag mætast:
25. sæti (forsetabikarinn): Króatía – Kína.
27. sæti: Paragvæ – Egyptaland.
29. sæti: Úrúgvæ – Kúba.
31. sæti: Íran – Kasakstan.
