Hvorki Alþjóða handknattleikssambandið, IHF, né Handknattleikssamband Evrópu, EHF, láta þess getið í fréttum af leikjum Íslands og Ísraels, sem fram fóru í vikunni að viðureignirnar hafi farið fram fyrir luktum dyrum á Ásvöllum. Vitað er að HSÍ var í sambandi IHF og EHF vegna ákvörðunar sinnar að fara eftir ráðleggingum ríkislögreglustjóra að leika fyrir tómum íþróttasal.
Einhvertímann hefur þótt vert að láta þess getið að leikið hafi verið fyrir luktum dyrum í alþjóðlegri keppni, m.a. þegar leikir fóru fram á covid-tímanum.
Bæði IHF og EHF fjalla nokkuð um leikina og segja frá nokkrum staðreyndum þeim tengdum, m.a. að íslenska landsliðið hafi verið fyrst að tryggja sér farseðil á HM úr þeim hluta keppninnar sem stendur yfir í Evrópu og lýkur um helgina.
Yfirlýsing kvennalandsliðsins: Hvers vegna fær Ísrael enn að taka þátt?
