Danska handknattleikssambandið leitar að nýjum aðalstyrktaraðila framan af keppnistreyjum karlalandsliðsins. Orku- og fjarskiptafyrirtækið Norlys, sem hefur auglýst framan á keppnistreyjum liðsins frá 2021, hefur ákveðið að framlengja ekki samstarfið þegar það rennur út 30. júní 2026, að því er danska handknattleikssambandið greinir frá.
Þetta hefur Norlys ákveðið þrátt fyrir að danska landsliðið í karlaflokki hafi verið heimsmeistari á þremur síðustu mótum og þykir til alls líklegt á EM á heimavelli í næsta mánuði.
Norlys segir ástæðuna vera að vörumerkið sé á öðrum stað í hugum fólks en fyrir fimm árum og því verði áhersla fyrirtækisins önnur í markaðsmálum á næstu árum. Evrópumótið í janúar verður síðasta stórmót danska karlalandsliðsins með Norlys framan á landsliðstreyjunum.
Annað fyrirtæki er með aðal auglýsinguna á búningum danska kvennalandsliðsins.
