Ljóst er orðið að Daníel Þór Ingason leikur ekki á ný með ÍBV fyrr en að loknu landsleikjahléinu í nóvember vegna áverka sem hann varð fyrir við upptöku á markaðsefni fyrir samfélagsmiðla HSÍ á laugardaginn. Liðband milli viðbeins og hægri axlarliðar tognaði í falli sem Daníel Þór varð óvænt fyrir er brugðið var á illa undirbúinn leik við upptökurnar.
Hjá lækni í gær
Daníel Þór gekkst undir ítarlega skoðun hjá Örnólfi Valdimarssyni bæklunarlækni í gær. „Liðband sem tengir saman viðbein og hægri öxlina tognaði,“ sagði Erlingur Birgir Richardsson þjálfari ÍBV við handbolta.is í morgun.
„Þar af leiðandi má reikna með að minnsta kosti tvær vikur líði áður en Daníel Þór má byrja að hreyfa öxlina að einhverju ráði,“ sagði Erlingur ennfremur.
Í fyrsta lagi með gegn ÍR
ÍBV á eftir tvær viðureignir í Olísdeildinni áður en hlé verður gert vegna tveggja leikja landsliðsins í Þýskalandi. Fyrri viðureign ÍBV verður gegn Aftureldingu á laugardaginn að Varmá og sú síðari á heimavelli við KA laugardaginn 25. október. Daníel Þór verður í fyrsta lagi með Eyjaliðinu gegn ÍR 10. umferð Olísdeildar fimmtudaginn 6. nóvember.
Daníel Þór, sem ÍBV afar mikilvægur, jafnt í vörn sem sókn, hefur þegar orðið af einum leik vegna meiðslanna, gegn Haukum á heimavelli síðasta sunnudag.
Daníel Þór úr leik vikum saman – slasaðist við upptökur á efni fyrir HSÍ
