Lilja Ágústsdóttir fór á kostum með U-liði Vals þegar það vann Víking í fyrstu umferð Grill 66-deildar kvenna í handknattleik í Origohöllinn í dag, 30:24. Lilja skoraði þriðjung marka Valsliðsins sem var fimm mörkum yfir að loknum fyrri hálfleik, 18:13. Um tíma í síðari hálfleik var forskot Valsliðsins komið upp í 10 mörk.
Elín Rósa Magnúsdóttir skoraði sjö mörk fyrir Val, Karlotta Kjerúlf Óskarsdóttir 3, Hafdís Hera Eyþórsdóttir 2, og Þórunn Jóhanna Þórisdóttir skoraði einu sinni.
Viktoría McDonald var atkvæðamest hjá Víkingi. Hún skoraði átta mörk. Arna Þyrí Ólafsdóttir, sem kom til Víkings í sumar frá Stjörnunni, var næst með sex mörk og Auður Brynja Sölvadóttir skoraði fjögur mörk. Alana Elín Steinarsdóttir skoraði 3 mörk og þær Ester Inga Ögmundsdóttir, Sandra Björk Ketilsdóttir og Helga Lúðvíka Hallgrímsdóttir 1 mark hver.
