- Auglýsing -
Á föstudaginn og sunnudaginn verður leikið til úrslita í Coca Cola-bikarnum í 3. og 4. flokki karla og kvenna á Ásvöllum samhliða undanúrslitum og úrslitaleikjum í meistaraflokki kvenna og karla.
Undanúrslitaleikjum í 3. og 4. flokki karla og kvenna er lokið. Þar með liggur ljóst fyrir hvaða lið mætast í úrslitum og á hvaða tíma dagsins.
Athygli vekur að KA og KA/Þór eiga lið í úrslitum allra þriggja flokka í 4. aldursflokki. Fram og Haukar eiga tvö lið í úrslitum.
Að vanda fara allir leikir fram í sömu umgjörð og úrslitaleikir karla og kvenna sem verða á laugardaginn en undanúrslit á miðvikudag og fimmtudag, eins og kemur fram nánar hér.
Úrslitaleikir Coca Cola-bikars í 3. og 4. flokki karla og kvenna:
| Föstudagur 11. mars: | klukkan: | Félög |
| 3. flokkur karla | 18.00 | Fram – Selfoss |
| 3. flokkur kvenna | 20.15 | Haukar – Fram |
| Sunnudagur 13. mars: | ||
| 4. flokkur karla yngri | 13.00 | KA – Haukar |
| 4. flokkur kvenna | 15.00 | KA/Þór – ÍBV |
| 4. flokkur karla eldri | 17.00 | KA – Afturelding |
- Auglýsing -
