Gísli Þorgeir Kristjánsson og samherjar í þýska meistaraliðinu SC Magdeburg tryggðu sér í gærkvöld fjórða og síðasta sætið í átta liða úrslitum Meistaradeildar Evrópu í handknattleik þegar þeir unnu Dinamo Búkarest, 34:33, á heimavelli í síðustu umferð riðlakeppninnar. Anton Gylfi Pálsson og Jónas Elíasson dæmdu leikinn af mikilli röggsemi. Gísli Þorgeir skoraði eitt mark í leiknum.
PSG og Magdeburg höfnuðu í tveimur efstu sætum A-riðils og sitja þar með yfir í fyrstu umferð útsláttarkeppninnar. Einnig sitja yfir Barcelona og Kielce. Þau enduðu í tveimur efstu sætum B-riðils.
Wisla Plock krækti í síðasta sætið inn í fyrstu umferð útsláttarkeppninnar með því að vinna Porto, 28:27, í Porto í gærkvöld. Þar með sátu leikmenn Zagreb eftir með sárt ennið og eru úr leik eins og leikmenn Porto, Celje og Elverum.
Lokastaðan í A-riðil:
| PSG | 14 | 12 | 0 | 2 | 492:439 | 24 |
| Magdeburg | 14 | 9 | 2 | 3 | 453:419 | 20 |
| Veszprém | 14 | 8 | 2 | 4 | 449:429 | 18 |
| GOG | 14 | 7 | 1 | 6 | 459:454 | 15 |
| Dinamo Búk. | 14 | 5 | 3 | 6 | 416:429 | 13 |
| Wisla Plock | 14 | 4 | 1 | 9 | 374:412 | 9 |
| PPD Zagreb | 14 | 3 | 2 | 9 | 390:420 | 8 |
| Porto | 14 | 2 | 1 | 11 | 407:438 | 5 |
Lokastaðan í B-riðli:
| Barcelona | 14 | 13 | 1 | 0 | 484:404 | 27 |
| Kielce | 14 | 11 | 0 | 3 | 465:427 | 22 |
| Nantes | 14 | 7 | 1 | 6 | 478:451 | 15 |
| Kiel | 14 | 6 | 3 | 5 | 460:440 | 15 |
| Aalborg | 14 | 6 | 1 | 7 | 445:438 | 13 |
| Pick Szeged | 14 | 5 | 1 | 8 | 426:452 | 11 |
| Celje | 14 | 3 | 0 | 11 | 412:475 | 6 |
| Elverum | 14 | 1 | 1 | 12 | 398:481 | 3 |
Í fyrstu umferð útsláttarkeppninnar mætast:
Pick Szeged – Veszprém.
Wisla Plock – HBC Nantes.
Aalborg – GOG.
Dinamo Búkarest – THW Kiel.
Leikdagar 22. og 23. mars / 29. og 30. mars.
Í átta liða úrslitum mætast:
Dinamo Búkarest/THW Kiel – PSG.
Aalborg/GOG – Barcelona.
Wisla Plock/HBC Nantes – SC Magdeburg.
Pick Szeged/Veszprém – Kielce.
Leikdagar 10. og 11. maí / 17. og 18. maí.
Úrslitahelgi Meistaradeildarinnar fer fram í Köln 17. og 18. júní.
Gísli Þorgeir á meðal markahæstu
Gísli Þorgeir Kristjánsson er í sjötta sæti á lista yfir markahæstu leikmenn Meistaradeildarinnar að riðlakeppninni lokinni. Tíu markahæstu leikmenn eru:
Aleks Vlah, Celje, 88.
Arkadiusz Moryto, Kielce, 83.
Kamil Syprzak, PSG, 83.
Timur Dibirov, PPD Zagreb, 78.
Emil Madsen, GOG, 77.
Gísli Þorgeir Kristjánsson, Magdeburg, 74.
Dika Mem, Barcelona, 74.
Simon Pytlick, GOG, 74.
Andrii Akimenko, Dinamo, 70.
Elihim Prandi, PSG, 70.
