Allir Íslendingarnir sem leika með liðum í efstu deild portúgalska handknattleiksins fögnuðu stórum sigrum með liðum sínum í kvöld þegar blásið var til fimmtu umferðar.
Orri Freyr Þorkelsson og liðsmenn meistaraliðsins Sporting unnu Belenenses, 43:26, á útivelli. Porto, sem Þorsteinn Leó Gunnarsson leikur með vann grannliði FC Gaia, 48:26 og Samherjar Stivens Tobar Valencia í Benfica unnu Avanca, 48:31, á heimavelli sínum í Lissabon.
Orri Freyr skoraði níu mörk í sigurleik Sporting og var fyrir vikið markahæsti leikmaður liðsins.
Þorsteinn Leó sparaði púðrið og lét nægja að skora þrjú mörk fyrir Porto í DRAGÃO Arena.
Sviven Tobar var ekki í leikmannahópi Benfica í kvöld.
