Norski landsliðsmarkvörðurinn Torbjørn Bergerud kveður norska meistaraliðið Kolstad sumarið 2025 og gengur til liðs við pólsku meistarana, Wisla Plock. Þetta var staðfest í morgun. Viktor Gísli samdi við Wisla Plock í síðasta mánuði til eins árs, út leiktíðina 2025. Hvað tekur þá við hjá Viktori Gísla er óvíst á þessari stundu, alltént opinberlega.
Uppi hefur verið orðrómur síðustu mánuði að Viktor Gísli fari til Barcelona sumarið 2025 þegar Gonzalo Pérez de Vargas gengur til liðs við Kiel. Spánverjinn samdi við Kiel fyrir ári með það fyrir augum að koma til félagsins sumarið 2025. Ekki er ráð nema í tíma sé tekið.
Leiðir Bergeruds og Viktors Gísla hafa áður skarast en þeir voru saman markverðir hjá GOG í Danmörku keppnistímabilið 2021/2022.
Bergerud hefur um árabil verið fremsti markvörður Noregs og er m.a. í hópnum sem tekur þátt í Ólympíuleikunum sem hefjast í París föstudaginn 26. júlí.
Norski ÓL-hópurinn
Markverðir:
Torbjørn Bergerud, Kolstad Håndball.
Kristian Sæverås, SC DHfK Leipzig Handball.
Aðrir leikmenn:
Sander Sagosen, Kolstad Håndball.
Christian O’Sullivan, SC Magdeburg.
Harald Reinkind, THW Kiel.
Tobias Grøndahl, GOG Håndbold.
Gabriel Ostad Setterblom, SønderjyskE.
Simen Ulstad Lyse, Kolstad Håndball.
Sebastian Barthold, Aalborg Håndbold.
Alexander C. Blonz, GOG Håndbold.
Kristian Bjørnsen, Aalborg Håndbold.
Vetle Eck Aga, Kolstad Håndball.
Petter Øverby, THW Kiel.
Magnus Gullerud, Kolstad Håndball.
Til vonar og vara:
Magnus Søndenå, Kolstad Håndball.
Sander A. Øverjordet, Haslum HK.
Sander Drange Heieren, TTH Holstebro.
