„Ég veit ekkert hvað ég var að pæla. Ég fékk bara boltann og fór inn hægra megin eftir að hafa fengið boltann. Það var bara mikil mildi að boltinn fór inn. Skotið var ekki fast. Ég er viss um að þessi markvörður hefur aldrei séð þessa tækni áður,“ sagði Skarphéðinn Ívar Einarsson leikmaður U20 ára landsliðsins þegar hann lýsti jöfnunarmarki sínu, 33:33, gegn Portúgal þegar fimm sekúndur voru eftir að viðureigninni í riðlakeppni átta liða úrslita Evrópumótsins í handknattleik karla í Celje í dag.
„Markið var sætt en þegar Ísak varði vítakastið í lokið þá var kirsuberið komið ofan á kökuna,“ sagði Skarphéðinn Ívar ennfremur og bætti við að lokakaflinn og stigið góða væri afar mikilvægt fyrir sjálfstraust liðsins í komandi leikjum en það mætir Austurríki á EM á morgun og Spáni á fimmtudaginn áður en riðlakeppni átta liða úrslita verður til lykta leidd.
Talsvert lengra myndskeiðsviðtal er við Skarphéðinn Ívar efst í fréttinni.
Valdi tímann til að verja fyrsta vítakastið – „Þetta var bara geggjað“
Strákarnir verðskulduðu stigið
EMU20 karla: Leikir, úrslit og staðan, riðlakeppni
Ísak og Skarphéðinn tryggðu sætt stig
