Með minnsta mun fór Víkingur burtu með bæði stigin

Víkingur gerði það gott í dag þegar lið félagsins sótt tvö stig í Dalhús í Grafarvogi með því að leggja Fjölni/Fylki, 25:24, í hörkuleik í Grill66-deild kvenna í handknattleik. Þetta var sjöundi sigur Víkinga í deildinni á keppnistímabilinu. Liðið situr í fimmta sæti deildarinnar af 11 liðum.

Víkingar voru þremur mörkum yfir að loknum fyrri hálfleik, 14:11. Aðeins dró saman með liðunum þegar á kom fram í síðari hálfleik. Víkingum tókst að hanga á fengnum hlut þótt leikmenn Fjölnis/Fylkis hafi reynt hvað þeir gátu til að tryggja sér a.m.k. annað stigið.

Mörk Fjölnis/Fylkis: Ada Kozicka 7, Hrafnhildur Irma Jónsdóttir 5, Azra Cosic 3, Kolbrún Anna Garðarsdóttir 3, Sigríður Björg Þorsteinsdóttir 2, Sara Björg Davíðsdóttir 1, Nína Rut Magnúsdóttir 1, Tina Stojanovic 1, Berglind Björnsdóttir 1.

Mörk Víkings: Auður Brynja Sölvadóttir 7, Arna Þyrí Ólafsdóttir 6, Ester Inga Ögmundsdóttir 5, Elín Helga Lárusdóttir 3, Helga Lúðvíka Hallgrímsdóttir 2, Lára Ívarsdóttir 1, Guðrún Maryam Rayadh 1.

Stöðu og næstu leiki í Grill66-deild kvenna má sjá hér.