Valsmenn hafa ekki sloppið við meiðsli fremur en leikmenn flestra annarra liða nú í upphafi keppnistímabilsins. Að minnsta kosti tveir leikmenn meistaraflokks karla glíma við erfið meiðsli og vafi leikur á þátttöku þeirra í næsta leik liðsins sem fram fer á föstudaginn þegar Valur sækir Hauka heima í Schenkerhöllinni á Ásvöllum í 4. umferð Olísdeildar karla.
Róbert Aron Hostert glímir að eigi sögn við lítilsháttar tognum í aftarverðu læri. Tognunin hefur plagað hann upp á síðkastið og komið í veg fyrir að hann hafi beitt sér sem skildi í undanförnum leikjum.
Varnarmaðurinn sterki Þorgils Jón Svölu- Baldursson meiddist á hné í stórleiknum við ÍBV í Vestmannaeyjum á síðasta laugardag. Þorgils Jón sagði við handbolta.is í gær að óvíst væri hvort hann verði klár í slaginn gegn Haukum. Hann beið í gær eftir að komast í skoðun hjá lækni til þess að fá mat á hversu alvarleg meiðslin væri en höggið var nokkuð sem hann fékk á hnéð í fyrrgreinum leik.
