- Auglýsing -
Áhorfsmet á íþróttaleik í sjónvarpi hér á landi var sett á föstudagskvöldið þegar undanúrslitaleikur Íslands og Danmerkur á Evrópumóti karla í handknattleik var sendur út. Meðaláhorf á leikinn var 66,4% og uppsafnað áhorf 70%. Frá þessu segir á vef RÚV.
Fyrra met, 62,5% meðaláhorf var á leik Íslands og Slóveníu í milliriðlinum en það er 0,1% meira en var á leik Íslands gegn Argentínu á HM karla í fótbolta sem átti metið.
Í bronsleiknum við Króatíu var meðaláhorfið 63,1% sem hefði því verið met ef ekki væri fyrir undanúrslitaleikinn. Uppsafnað áhorf þar var 66,4%, segir enn fremur á RÚV.
Frétt RÚV: Undanúrslitaleikurinn sló áhorfsmetið
- Auglýsing -
