„Það er ólýsanleg stund að eiga þess kost að fagna Íslandsmeistaratitli með sínu fólki og bikarmeistaratitli fyrir stuttu síðan,“ sagði nýkrýndur Íslandsmeistari, Framararinn Reynir Þór Stefánsson, þegar handbolti.is klófesti hann um stund í viðtal í fögnuði Framarar í N1-höllinni á Hlíðarenda í kvöld eftir að Fram varð Íslandsmeistari í 11. sinn í handbolta karla með sigri á Val í þriðju viðureign liðanna, 28:27.
„Við áttum þrjá heimaleiki. Allt fólkið sem kom að styðja okkur er til mikillar fyrirmyndar,” sagði Reynir Þór sem var valinn mikilvægasti leikmaður úrslitaeinvígisins. Engum skal koma á óvart þótt hann verði valinn besti leikmaður Olísdeildar þegar lókahóf deildarinnar fer fram fljótlega eftir að einvígi Vals og Hauka lýkur um Íslandsmeistaratitil kvenna.
„Ég er bara glaður að hafa unnið Íslandsmeistaratitilinn. Mig hefur lengi dreymt um að vinna titilinn,“ sagði Reynir Þór sem er á förum frá Fram til þýska liðsins MT Melsungen í sumar, samkvæmt heimildum handbolta.is.
Lengra viðtal við Reynir Þór er í myndskeiði hér fyrir ofan.
