- Auglýsing -
- Andrea Jacobsen skoraði fimm mörk fyrir Kristianstad þegar liðið vann Lugi, 37:23, í fyrri viðureign liðanna í sænsku bikarkeppninni í gærkvöld. Síðari viðureignin verður í Lundi á laugardaginn.
- Örn Vésteinsson Östenberg skoraði fimm mörk fyrir Tønsberg Nøtterøy í norsku úrvalsdeildinni í handknattleik í gær þegar liðið tapaði á útivelli fyrir Fjellhammer, 29:27, í Lørenskoghallen. Tønsberg Nøtterøy situr í 10. sæti af 14 liðum í deildinni.
- Magnus Orri Axelsson skoraði tvisvar sinnum fyrir Viking Håndbold sem vann stórsigur á HK Herulf Moss í 1. deildinni í Noregi í gær, 30:18. Viking Håndbold er í þriðja sæti deildarinnar með fjögur stig að loknum þremur umferðum.
- Faðir Magnúsar Orra, Axel Stefánsson, fagnaði einnig sigri er liðið sem hann þjálfar, Storhamar, vann Byåsen, 31:17, í annarri umferð norsku bikarkeppninnar á heimavelli í gær.
- Elías Már Halldórsson gat einnig brosað út í annað eftir að liðið sem hann þjálfar, Fredrikstad Bkl., vann Romerike Ravens, 29:17, á útivelli í norsku bikarkeppninni í kvennaflokki.
- Sara Dögg Hjaltadóttir skoraði tvö mörk fyrir lið sitt Gjerpen HK Skien í gær þegar það steinlá fyrir Fana á heimavelli, 36:24, í norsku bikarkeppninni í handknattleik.
- Birta Rún Grétarsdóttir komst ekki á blað yfir markaskorara Oppsal er liðið beið lægri hlut fyrir Aker Topphåndball, 33:19, í bikarkeppninni í Noregi í gær. Aker lagði grunn að sigrinum í fyrri hálfleik en liðið var átta mörkum yfir að honum loknum, 17:9.
- Daníel Freyr Andrésson stóð í mark Guif frá Eskilstuna í gærkvöld þegar liðið tapaði fyrir Alingsås, 31:24, í fyrri leik liðanna í átta liða úrslitum bikarkeppninnar í Svíþjóð. Aron Dagur Pálsson var ekki í leikmannahópi Guif.
- Auglýsing -
