- Auglýsing -
- Anton Gylfi Pálsson og Jónas Elíasson dæmdu viðureign Barcelona og Wisla Plock í 7. umferð B-riðils Meistaradeildar Evrópu sem fram fór í Barcelona í gærkvöld. Þetta var a.m.k. þriðji leikurinn sem þeir dæma í Meistaradeild karla á leiktíðinni. Barcelona vann leikinn, 30:24. Viktor Gísli Hallgrímsson varði tvö vítaköst í leiknum eins og handbolti.is sagði frá í gærkvöld.
- Ýmir Örn Gíslason skoraði eitt mark þegar lið hans, FRISCH AUF! Göppingen, vann HSV Hamburg, 34:30, á heimavelli í þýsku 1. deildinni í handknattleik í gær. Ými Erni tók hressilega á í vörninni og mátti bíta í það súra epli að vera tvisvar vikið af leikvelli.
- Svíinn Oskar Sunnefeldt var markahæstur hjá Göppingen með átta mörk. Göppingen er í 7. sæti af 18 liðum með 14 stig eftir 12 leiki.
- Einar Þorsteinn Ólafsson skoraði einu sinni fyrir HSV Hamburg í tapleiknum í Göppingen í gærkvöld. Einari Þorsteini var vikið einu sinn af leikvelli. Daninn Casper Mortensen var markahæstur með níu mörk. HSV Hamburg hefur 11 stig í 10. sæti þýsku 1. deildarinnar.
Vinsælt lesefni:
- Auglýsing -
