- Auglýsing -
- Arnór Þór Gunnarsson og liðsmenn hans í Bergischer HC sitja áfram í efsta sæti þýsku 2. deildarinnar eftir leiki helgarinnar. Bergischer HC vann í gær ASV Hamm-Westfalen, 34:28, á heimavelli. Tjörvi Týr Gíslason skoraði ekki mark í leiknum fyrir Bergischer HC sem hefur 18 stig að loknum 12 leikjum. GWD Minden er í öðru sæti með 15 stig eftir 11 leiki eins og Balingen-Weilstetten.
- Elmar Erlingsson átti afar góðan leik með Nordhorn-Lingen í jafntefli á útivelli við VfL Lübeck-Schwartau, 24:24. Elmar skoraði m.a. sex mörk og átti tvær stoðsendingar. Nordhorn-Lingen er í 14. sæti 2. deildar í Þýskalandi með níu stig eftir 11 leiki.
- Stöðuna í þýsku 2. deildinni og í fleiri deildum evrópsks handknattleiks er að finna hér.
- Viktor Gísli Hallgrímsson landsliðsmarkvörður fór á kostum í síðari hálfleik með Wisla Plock í gær í stórsigri liðsins á Energa MKS Kalisz í 11. umferð pólsku úrvalsdeildarinnar, 32:19. Leikið var í Plock. Viktor Gísli var valinn maður leiksins fyrir frammistöðu sína.
- Birta Rún Grétarsdóttir skoraði fjögur mörk þegar lið hennar, Fjellhammer, vann Glassverket, 35:21, í næst efstu deild norska handknattleiksins í gær. Fjellhammer þar með efst og taplaust með 16 stig eftir átta leiki. Aker hefur einnig 16 stig en hefur lokið níu leikjum. Dana Björg Guðmundsdóttir og félagar í Volda eru í þriðja sæti með 15 stig, einnig eftir níu leiki.
- Dagur Gautason skoraði fimm mörk fyrir ØIF Arendal í tveggja marka sigri á Drammen, 32:30, í norsku úrvalsdeildinni í handknattleik í gær. Leikið var í Sør Amfi í Arendal. Ekkert markanna skoraði Dagur úr vítakasti. ØIF Arendal er í 8. sæti.
- Viktor Petersen Norberg skoraði þrjú mörk fyrir Drammen. Ísak Steinsson varði fjögur skot, 25%, þann tíma sem hann var í marki Drammenliðsins sem er í 5. sæti.
- Arnar Birkir Hálfdánsson skoraði fimm mörk fyrir Amo HK þegar liðið náði í annað stigið í heimsókn til Ailingsås í síðari leik liðanna í átta liða úrslitum sænsku bikarkeppninnar í gær. Alingsås tekur sæti í undanúrslitum en liðið vann fyrri viðureignina með eins marks mun, 39:38.
- Auglýsing -
