- Auglýsing -
- Rússneski handknattleiksmaðurinn Timur Dibirov hefur tilkynnt að hann ætli að hætta handknattleiksiðkun sem atvinnumaður í sumar. Dibirov er 42 ára gamall. Hann hefur verið atvinnumaður í handbolta í 24 ár. Lengi lét Dibirov með Vardar í Skopje en tengdafaðir hans átti liðið árum saman. Síðustu tvö hefur hann leikið með RK Zagreb.
- Dibirov segir komið nóg af fjarbúð en eiginkona hans og börn að einu undanskildu býr í Rússlandi. Elsti drengur Dibirovs býr með föður sínum í Zagreb.
- Danski markvörðurinn Tim Winkler hyggst einnig hætta í sumar eftir 20 ár í boltanum. Winkler stendur nú vaktina hjá Skjern en hefur leikið með fleiri liðum í Danmörku.
- Allan Heine þjálfari ungverska meistaraliðsins Ferencváros (FTC) sagði við TV2 í Danmörku að hann hafi tilkynnt forráðamönnum félagsins í nóvember að hann óskaði eftir því að hætta hjá félaginu eftir leiktíðina vorið 2025 þótt ár væri eftir af starfssamningnum. Heine býr einn í Búdapest en eiginkona og börn í Danmörku. Þrátt fyrir góðan árangur með liðið þá segist Heine vera kominn með nóg af fjarveru frá fjölskyldunni.
- Landi Heine, Jesper Jensen, tekur við þjálfun Ferencváros (FTC) og lætur af störfum sem landsliðsþjálfari Danmerkur í kvennaflokki, eins og sagt var frá í gær. Kannski tekur Heine við af Jensen með landsliðið?
- Þýska handknattleiksliðið Rhein-Neckar Löwen hefur samið við 19 ára gamlan handknattleiksmann frá Sviss, Gino Steenaerts. Hann er hægri hornamaður og hefur vakið mikla athygli hjá HC Kriens-Luzern. Samningur Steenaerts við Löwen fram á mitt árið 2028.
- Svíinn Olle Forsell Schefvert sem leikur nú með Rhein-Neckar Löwen er sagður taka við stöðu Elvars Arnar Jónssonar hjá MT Melsungen fyrir næstu leiktíð. Elvar Örn samdi fyrr í vetur við SC Magdeburg og flytur austur á bóginn í sumar.
- Auglýsing -
