- Auglýsing -
- Haukur Þrastarson og félagar i Dinamo Búkarest eru komnir í undanúrslit rúmensku bikarkeppninnar í handknattleik. Þeir lögðu CSM Focsani, 33:23, á útvelli í átta liða úrslitum í gær. Haukur skoraði eitt mark og gaf eina stoðsendingu, eftir því sem næst verður komist.
- Óðinn Þór Ríkharðsson var markahæstur hjá Kadetten Schaffhausen með níu mörk, tvö þeirra úr vítaköstum, í eins marks tapi liðsins á heimavelli fyrir TSV St. Otmar St. Gallen, 33:32. Úrslitin þykja óvænt. Kadetten Schaffhausen er efst í deildinni með 43 stig eftir 24 leiki. TSV St. Otmar St. Gallen er næst í 9. sæti með 16 stig.
- Viktor Gísli Hallgrímsson er ennþá frá keppni vegna ökklameiðsla. Hann var ekki í leikmannahópi Wisla Plock í gær þegar liðið vann Corotop Gwardia Opole, 37:30, í pólsku úrvalsdeildinni í handknattleik á heimavelli í gær. Wisla Plock og Industria Kielce er áfram efst og jöfn að stigum með eitt tap hvort en 22 sigurleiki. Þrjár umferðir eru eftir af deildarkeppninni í Póllandi.
- Bjarki Már Elísson skoraði fjögur mörk þegar í stórsigri One Veszprém vann FTC, 49:33, í átta liða úrslitum ungversku bikarkeppninnar í gær á heimavelli. Aron Pálmarsson lék ekki með One Veszprém í leiknum vegna meiðsla.
- Janus Daði Smárason skoraði tvisvar sinnum í öruggum sigri Pick Szeged á Győri ETO í átta liða úrslitum ungversku bikarkeppninnar í gær, 43:32. Leikurinn fór fram í Szeged og var álaginu dreift á milli leikmanna Pick Szeged enda talsverður getumunur á liðunum.
- Elín Jóna Þorsteinsdóttir varði 4 skot, 19%, og varði mark Aarhus Håndbold í nærri helming leiksins gegn Ringkøbing Håndbold á útivelli í leik sem Árósarliðið tapaði, 31:29. Aarhus Håndbold er í 12. sæti af 14 liðum með 12 stig eftir 23 leiki. Liðið á þrjár viðureignir eftir.
- Storhamar er áfram í efsta sæti í norsku úrvalsdeildinni í kvennaflokki. Liðið vann Gjerpen, 27:21, á útivelli í gær og þar af leiðandi tveimur stigum á undan Larvik auk þess að eiga leik til góða. Axel Stefánsson er í þjálfarateymi Storhamar.
- Fredrikstad Bkl., sem Elías Már Halldórsson þjálfar til loka leiktíðar, er komið upp í 7. sæti úrvalsdeildar kvenna í Noregi. Fredrikstad vann Tertnes, 34:30, á útivelli í gær.
- Auglýsing -
