- Auglýsing -
- Þýska landsliðskonan Lena Hausherr hefur slitið krossband í hné í annað sinn á innan við ári. Hausherr, sem er leikmaður Borussia Dortmund, sleit krossband í hné degi eftir að hafa verið valin í þýska landsliðshópinn fyrir EM á síðasta ári. Hún virtist vera komin á góðan skrið á nýjan leik þegar krossband gaf sig á ný í öðru hné hennar á síðasta fimmtudag.
- Hausherr sagði frá vondu tíðindunum á Instagram í gær. Hausherr segist ekki vera af baki dottin þótt hún hafi verið slegin niður öðru sinni. Hún ætli að ná sér á strik og mæta út á handknattleiksvöllinn á nýjan leik.
- Þýska handknattleiksliðið HSG Blomberg-Lippe, með landsliðskonurnar Andreu Jacobsen, Díönu Dögg Magnúsdóttur og Elínu Rósu Magnúsdóttur innanborðs, er komið til Danmerkur þar sem háðir verða tveir æfingaleikir. Sá fyrri verður í dag gegn SønderjyskE en hinn síðari á móti Team Esbjerg á morgun.
- Viktor Szilagyi framkvæmdastjóri þýska liðsins THW Kiel er óhress með framkomu ungverska meistaraliðsins One Veszprém eftir að forráðmenn félagsins sögðu á dögunum að félagið hafi borið víurnar í Bence Imre. Stöðugur orðrómur hefur verið í sumar um að Imre verði enn einn nýr leikmaður One Veszprém á næsta sumri.
- Szilagyi segir að forráðamenn ungverska liðsins verði að virða þá staðreynd að Imre sé leikmaður THW Kiel næsta árið. Hann sé auk þess með ákvæði í samningi sínum að möguleiki sé að framlengja samninginn við Kiel til ársins 2027. Szilagyi segir að forráðamenn One Veszprém geti ekki vaðið yfir allt og alla í krafti digra peningasjóða.
Vinsælt lesefni:
- Auglýsing -
