- Auglýsing -
- Portúgalski landsliðsmaðurinn Miguel Martins féll á lyfjaprófi sem hann gekkst undir á dögunum. Hann verður þar af leiðandi ekki með portúgalska landsliðinu á HM. Auk þess er viðbúið að hann verði ekki með danska meistaraliðinu Aalborg á næstunni. Félagið greindi frá tíðindunum í gær og lét þess jafnframt getið að Martins hafi óskað eftir að svokallað B-sýni verði rannsakað. Það hjálpar yfirleitt ekki neitt.
- Ekki kemur fram í tilkynningu hvaða ólöglega efni varð Martins fjötur um fót. Niðurstaða B-sýnis liggur fyrir innan nokkurra daga. Í raun er um sama sýni að ræða og kallast A-sýni enda þvagprufu aðeins skipt niður í tvö glös.
- Þýska landsliðið kann að hafa orðið fyrir áfalli í leiknum við Pólverja á HM karla í gærkvöld. Juri Knorr fór af leikvelli meiddur um miðjan síðari hálfleik. Ekki lá fyrir seint í gærkvöld hversu alvarleg meiðslin eru og hvort þau hindri þátttöku hans í næstu leikjum á HM. Þýska liðið leikur í riðli sem fram fer í Danmörku ásamt Tékkum, Svisslendingum og Pólverjum.
- Serbinn Momir Ilic hefur skrifað undir tveggja ára samning um þjálfun þýska handknattleiksliðsins HSG Wetzlar frá og með næsta tímabili. Hann tekur við að Frank Carstens. Ilic þjálfari Veszprém um nokkurra ára skeið en hætti síðasta sumar. Ilic þekkir vel til í Þýskalandi eftir að hafa leikið um árabil með THW Kiel undir stjórn Alfreðs Gíslasonar.
- Auglýsing -
