- Auglýsing -
- Sænski landsliðsmaðurinn Lukas Nilsson hefur ákveðið að ganga til liðs við Aalborg Håndbold eftir að hafa leikið í sjö ár í þýsku 1. deildinni í handknattleik, núna síðast í þrjú ár með bikarmeisturum Rhein-Neckar Löwen. Samningur Nilsson við Álaborgarliðið er til tveggja ára.
- Handknattleikskonan Greta Kavaliauskaite frá Litáen sem lék með ÍBV frá 2015 til 2019 greindist með krabbamein á síðasta hausti. Góðar vonir ríkja um að Kavaliauskaite hafi læknast og að hún geti byrjað æfingar á ný með þýska 2. deildarliðinu SG 09 Kirchhof á ný í sumar. Kavaliauskaite hefur leikið með SG 09 Kirchhof frá því að hún kvaddi ÍBV fyrir fjórum árum.
- Hollenska landsliðskonan Danick Snelder hefur ákveðið að hætta að leika með landsliðinu. Snelder, er línumaður og leikur með þýsku meisturunum Bietigheim var í sigurliði Hollands á HM 2019.
- Junut Popa forseti rúmenska handknattleiksliðsins Dinamo Búkarest er afar vongóður um að serbneski markvörðurinn Vladimir Cupara komi til félagsins á næstu vikum, ári fyrr en áætlað var. Popa segist hafa sent ungverska meistaraliðinu Veszprém gott tilboð um að kaupa upp samning markvarðarins við ungverska liðið sem afar sennilegt sé að félagið samþykki. Cupara samdi fyrr á árinu við Dinamo um að ganga til liðs við félagið sumarið 2024 þegar samningurinn í Ungverjalandi rennur út.
- Auglýsing -
