- Auglýsing -
- Óðinn Þór Ríkharðsson og félagar í Kadetten Schaffhausen komust í gær í forystusætið í keppninni um meistaratitilinn í Sviss þegar þeir unnu HC Kriens-Luzern, 28:26, á heimavelli.
- Óðinn Þór skoraði 8 mörk og var með fullkomna nýtingu.
Kadetten Schaffhausen hefur þar með tvo vinninga en HC Kriens-Luzern einn. Fjórði leikur liðanna verður á heimavelli HC Kriens-Luzern á fimmtudaginn.
- Þau sögulegu tíðindi áttu sér stað í pólska handknattleiknum í gær að Orlen Wisła Płock varð pólskur meistari í handknattleik karla í fyrsta sinn í 13 ár. Wisla Plock vann Indurstria Kielce, 28:27, á heimavelli í síðari úrslitaleik liðanna. Vítakeppni þurfti til að knýja fram úrslit. Wisła Płock vann vítakeppnina, 8:7.
- Indurstria Kielce hefur unnið titilinn á hverju ári síðan Wisła Płock vann síðast en liðin tvö bera höfuð herðar yfir önnur handknattleikslið í Póllandi.
- Haukur Þrastarson er leikmaður Industria Kielce. Hann skoraði ekki mark í 60 mínútna leik en ekki hefur handbolti.is rekist á upplýsingar um hvort Haukur hafi skorað í vítakeppninni. Nokkur hópur leikmanna Industria Kielce er frá keppni vegna meðsla en mikið hefur verið um meiðsli í herbúðum liðsins á leiktíðinni og reyndar allar götur frá því á undirbúningstímanum.
- Wisła Płock var einnig bikarmeistari í Póllandi í vor.
- Auglýsing -
