- Orri Freyr Þorkelsson og samherjar í Sporting frá Lissabon unnu Madeira SAD á sannfærandi hátt, 33:26, í æfingaleik í gær.
- Stórliðin Veszprém og Kielce skildu jöfn, 26:26, í æfingaleik að viðstöddum þúsundum áhorfenda í Veszprém í gær, 26:26. Hvorki Bjarki Már Elísson leikmaður Veszprém né Haukur Þrastarson leikmaður Kielce tóku þátt í leiknum. Báðir eru þeir að jafna sig eftir meiðsli og aðgerðir þeim viðvíkjandi.
- Grétar Ari Guðjónsson markvörður var í sigurliði Sélestat sem vann Dijon á útivelli í gær í æfingaleik, 34:31. Bæði lið eiga sæti í næst efstu deild franska handknattleiksins þegar keppni hefst í næsta mánuði.
- Díana Dögg Magnúsdóttir og samherjar í BSV Sachsen Zwickau töpuðu illa fyrir Thüringer, 37:20, í æfingaleik á heimavelli Thüringer í gær.
- Norðmaðurinn Knut Ove Joa hefur verið ráðinn þjálfari kvennalandsliðs Sviss. Joa tekur við af Martin Albertsen sem í sumar tók við þjálfun kvennaliðs FTC (Ferencváros). Joa hefur starfað við þjálfun um árabil, bæði hjá félagsliðum með yngri landsliðs kvenna í Noregi. Kvennalandslið Sviss var með í lokakeppni EM í fyrra en tókst ekki að tryggja sér þátttökurétt á HM sem fram fer í nóvember og desember nk.
- Mette Tranborg, leikmaður danska meistaraliðsins Esbjerg og danska landsliðsins, leikur ekki handknattleik næsta árið eftir að hún sleit krossband á dögunum. Team Esbjerg sagði frá þessum tíðindum í gær.
- Auglýsing -