- Auglýsing -
- Sigrún Jóhannsdóttir, handknattleikskona úr FH, hefur ákveðið að ganga til liðs við norska handknattleiksliðið Rival/Nord í Haugasundi. Skiptin koma ekki beinlínis í opna skjöldu vegna þess að maður hennar, Jörgen Freyr Ólafsson Naabye, var ráðinn þjálfari Rival/Nord á dögunum.
- Hinn margreyndi franski línumaður Cedric Sorhaindo hefur ákveðið að taka eitt ár til viðbótar með rúmenska meistaraliðinu Dinamo Búkarest. Félagið sagði frá þessu í gær. Sorhaindo lék lengi með Barcelona en gekk til liðs við Dinamo fyrir tveimur árum.
- Spænski miðjumaðurinn David Fernandez hefur verið leystur undan samningi við pólsku bikarmeistarana Wisla Plock tveimur árum áður en ráð var fyrir gert. Fernandez kom til félagsins fyrir þremur árum og skrifaði fyrir ári undir nýjan þriggja ára samning. Óvíst er hvert leið Spánverjans liggur.
- Minnt er á að viðureign Íslands og Hollands í milliriðlakeppni Evrópumóts 19 ára landsliða kvenna í handknattleik hefst klukkan 10 í dag, ekki 13 eins og áður var kynnt. Leiktímar milliriðlakeppninnar voru stokkaðir upp í gærmorgun. Leikur Íslands og Króatíu á morgun, miðvikudag, hefst einnig klukkan 10.
Konur – helstu félagaskipti 2023
- Auglýsing -
