- Auglýsing -
- Hollenska handknattleikskonan Laura van der Heijden hefur ákveðið að leggja keppnisskóna á hilluna en hún verður 35 ára gömul í næsta mánuði. Van der Heijden hefur síðustu 15 ár leikið með mörgum fremstu handknattleiksliðum Evrópu. Hún hefur leikið ríflega 300 landsleiki og vann gullverðlaun með hollenska landsliðinu 2019 og silfur á HM 2015. Einnig tók van der Heijden þátt í tvennum Ólympíuleikum, 2016 og 2024, og nærri 10 Evrópumótum landsliða.
- Storhamar, Tertnes, Sola og Larvik eru komin í undanúrslit í norsku úrvalsdeildinni í kvennaflokki. Öll unnu liðin viðureignir sínar í átta liða úrslitum án þess að tapa leik. Axel Stefánsson er í þjálfarateymi Storhamar sem varð deildarmeistari í vor.
- Ein þekktasta handknattleikskona Svía, Isabelle Gullden, leggur keppnisskóna á hilluna í sumar. Gullden hefur síðustu árin leikið með IK Sävehof. Hún kveður ekki félagið heldur færir hún sig yfir í starf í þjálfaratreymi félagsins. Elín Klara Þorkelsdóttir gengur til liðs við IK Sävehof í sumar. Liðið leikur til úrslita við Skara HF, sem Aldís Ásta Heimisdóttir leikur með, um meistaratitilinn. Fyrsti leikurinn verður í Skara á þriðjudaginn.
- Gullden, sem er 36 ára gömul lék um árabil með sænska landsliðinu en hætti eftir EM í árslok 2020. Hún lék 224 landsleiki og skoraði 840 mörk.
- Frank Carstens þjálfari þýska liðsins Wetzlar var látinn taka pokann sinn í gær, daginn eftir 12 marka tap fyrir Rúnari Sigtryggssyni og liðsmönnum Leipzig í þýsku 1. deildinni í handknattleik. Carstens átti að hætt í sumar en í ljósi slaks árangurs í síðustu leikjum, átta töp í níu leikjum, ákvað stjórn félagsins að hika ekki lengur með þjálfaraskiptin.
- Serbinn Momir Ilic er þar með mættur til starfa hjá Wetzlar nokkru fyrr en til stóð. Ilic þekkir vel til í þýska handboltanum. Hann lék með Gummersbach og síðar Kiel um árabil. Ilic þjálfaði síðast Veszprém en var leystur frá störfum síðasta sumar.
- Handknattleiksmaðurinn Mikita Vailupau kveður ungverska meistaraliðið Veszprém í sumar eftir þriggja ára dvöl. Ekki kemur fram í tilkynningu hver verður næsti áfangastaður Hvít-Rússans.
- Auglýsing -
