- Auglýsing -
- Kjartan Vídó Ólafsson markaðsstjóri HSÍ síðustu sjö ár lætur af störfum á næstu vikum. Kjartan sagði í tilkynningu á Facebook að hann hafi sagt upp hjá sambandinu í janúar og ætli sér að flytja á bernskustöðvarnar í Vestmannaeyjum hvar hann tekur til starfa sem fulltrúi skipulags- og byggingadeildar hjá tæknideild Vestmannaeyjabæjar þegar verkum lýkur hjá HSÍ
- Eitt fyrsta verk nýrra stjórnar HSÍ sem kjörin verður á ársþingi 5. apríl verður að ráða mann í stað Vídó.
- Silja Arngrímsdóttir Müller markvörður Vals var valin í færeyska landsliðið sem leikur við Litáen í umspili um HM-sæti heima og að heiman 9. og 13. apríl. Sigurliðið öðlast þátttökurétt á heimsmeistaramótinu sem fram fer í Hollandi og Þýskalandi í desember.
- Fyrri viðureign Færeyinga og Litáa verður í nýju þjóðarhöll Færeyinga miðvikudaginn 9. apríl. Uppselt er í sæti en nokkrir miðar í stæði eru enn óseldir. Reiknað er með að nærri 3.000 áhorfendur verði á leiknum Við Tjarnir.
- Hin þekkta norska landsliðskona, Heidi Løke, stígur sín fyrstu skref á þjálfarasviðinu á næstunni. Hún hefur tekið að sér að vera aðstoðarþjálfari pólska kvennalandsliðsins og vera þar með landa sínum Arne Senstad landsliðsþjálfara til halds og trausts. Løke, sem er 42 gömul, hefur ekki sagt skilið við ferilinn sem handknattleikskona þótt hún hafi ekki leikið með Larvik síðan í nóvember vegna meiðsla.
- Auglýsing -
