- Auglýsing -
- Viktor Gísli Hallgrímsson landsliðsmarkvörður er þessa dagana í Króatíu þar sem hann er á meðal leiðbeinenda í æfingabúðum fyrir unga markverði. Æfingarnar standa yfir í um viku og hafa margir þekktir markverðir leiðbeint þar í gegnum tíðina en eftir því sem næst verður komist er Viktor Gísli einn af fleiri markvörðum sem verður þar næstu daga við að leiðbeina ungum markvörðum.
- Þúsundir íbúa Magdeborgar í Þýskalandi tóku á móti Evrópumeisturum SC Magdeburg í gær við ráðhús borgarinnar þegar liðið kom heim eftir að hafa unnið Meistaradeild Evrópu í handknattleik karla á sunnudaginn. Simone Borris borgarstjóri bauð til veislu þar sem leikmenn liðsins, þar á meðal Gísli Þorgeir Kristjánsson og Ómar Ingi Magnússon, rituðu nöfn í sínu í hina “gullnu bók” borgarinnar.
- Meðal gesta var Reiner Haseloff forsætisráðherra sambandsríkisins Saxland-Anhalt.
- Áður en hátíðarhöldin hófust við ráðhúsið var einnar mínútur þögn í minningu pólsks blaðamanns sem veiktist og lést síðan í keppnishöllinni í Köln á meðan úrslitaleikurinn stóð yfir.
- Mestur var fögnuður borgarbúa þegar hetja úrslitahelgarinnar Gísli Þorgeir Kristjánsson gekk fram fyrir skjöldu, ávarpaði stuðningsmennina og sagðist elska allt og alla í borginni.
- Marko Bezjak, Piotr Chrapkowski og Kay Smits kvöddu Magdeburg en úrslitaleikurinn á sunnudaginn var þeirra síðasti fyrir félagið.
- Gilberto Duarte, Davi Langaro, Dmytro Horiha, Denis Serdarevic og Andrea Parisini voru kynntir til sögunnar sem nýir leikmenn franska liðsins PAUC og þar af leiðandi samherjar Kristjáns Arnar Kristjánssonar, Donna, á næstu leiktíð. Forráðamenn PAUC ætla sér á ný með liðið í allra fremstu röð í frönskum handknattleik á komandi keppnistímabili.
- Auglýsing -
