Drengirnir í hlaðvarpsþættinum Handboltinn okkar gáfu frá sér nýjan þátt í gærkvöld en að þessu sinni settust þeir Jói Lange og Arnar Gunnarsson í Klaka stúdíóið.
Í þætti dagsins fóru þeir yfir allt það sem gerðist í 4. umferð Olísdeildar karla. Þeir félagar voru sammála því að KA-menn væru að valda miklum vonbrigðum og þá sér í lagi sóknarleikurinn.Einnig telja tvímenningarnir að Valsmenn séu með besta lið deildarinnar og vandséð hverjir stöðvi þá í vetur.
Að venju voru Klakaleikmenn leikjanna valdir og eftirtaldir leikmenn eru gjaldgengir í þá kosningu sem hafin er á samfélagsmiðlum þáttarins: Benedikt Gunnar Óskarsson (Val), Ólafur Brim Stefánsson (Gróttu), Lárus Helgi Ólafsson (Fram), Egill Magnússon (FH) og Hafþór Már Vignisson (Stjörnunni).
