Morgan Marie frá keppni í fjóra til sex mánuði

Handknattleikskonan Morgan Marie Þorkelsdóttir, leikmaður Íslands- og bikarmeistara Vals, er á leið í aðgerð á hné í október, eftir því sem handbolti.is hefur fregnað. Reiknað er með að Morgan verður frá keppni í fjóra til sex mánuði af þessum sökum.

Morgan Marie hefur ekkert leikið með Valsliðinu á þessu tímabili. Hún var í lykilhlutverki hjá meisturunum á síðasta tímabili þegar Valur vann 30 af 31 leik og varð Íslands-, deildar,- og bikarmeistari auk þess að vinna Meistarakeppni HSÍ.

Olísdeild kvenna – fréttir.

Staðan og næstu leikir í Olísdeildum