Uppselt var á viðureign Íslands og Grikklands rúmum sólarhring áður en flautað var til leiks í gær í Laugardalshöll. Hátt í 2.500 áhorfendur mættu til þess að styðja íslenska landsliðið í fjórða sigurleiknum í undankeppni EM 2026. Að vanda var Sérsveitin, stuðningsmannasveit íslensku landsliðanna, í öndvegi í áhorfendastúkunni og sló hvergi af fremur en hennar er siður.
Mörg kunnugleg andlit voru á meðal áhorfenda, jafnt frá síðustu leikjum landsliðsins, fólk sem lætur sig aldrei vanta, og eins þeir sem starfað hafa árum saman fyrir handboltann, utan vallar sem innan.
Hafliði Breiðfjörð myndaði áhorfendur á leiknum og fer hluti þeirra mynda hér fyrir neðan.
